Lillestrøm kulturkonferanse 2025: Kunsten og kulturens betydning i eit liv

Den fjerde utgåva av Lillestrøm kulturkonferanse sett søkjelys på kunsten og kulturens betydning for menneske gjennom eit heilt liv. Programmet byr på engasjerande foredrag, panelsamtalar og inspirerande kunstopplevingar.

− Konferansen skal gje fagleg påfyll, inspirasjon og nettverksmoglegheiter. Du skal sitte igjen med meir kunnskap enn du kom med og bli inspirert til å bruka det du har lært i eige arbeid, seie Henning Mongstad, prosjektleiar ved Lillestrøm biblioteka.

− For akkurat denne konferansen er kanskje det viktigaste å sitte igjen med ei større forståing for viktigheita av kunst og kultur i eit helseperspektiv, kvifor er kunst og kultur eigentleg så viktig i menneskets liv.

Dette får du på årets konferanse

Gjennom dagen møter du ei rekke spennande bidragsytarar, blant andre Line Anni Solbakken, Anna Helle-Valle, Trond-Viggo Torgersen og Oliver Lovrenski som vil belyse kulturens rolle for trivsel, inkludering og samfunnsutvikling.

Du vil blant anna få eit innblikk i musikkbasert miljøbehandling, kulturtiltak for meistring og relasjonsbygging innan helse og oppvekst, og kunstens moglege betydning i møte med eldrebølgja.

Du vil også få lytta til ein samtale mellom poeten Trygve Skaug og Henning Mongstad, om korleis ord og tonar kan gjere inntrykk, og kvifor hans dikt og songar engasjerer menneske i alle aldrar.

− Me er veldig stolte av årets program og er overtydd om at det er verdt å sette av 23. oktober til Lillestrøm kulturkonferanse 2025, fortel Mongstad.

Bruk kunst og kultur til å fremja helse

Vegar Rangul, førsteamanuensis ved NTNU, vil snakke om korleis me kan byggje robuste samfunn gjennom «ABC for god psykisk helse», og vil forklara kvifor kunst og kultur fremmar både mental og fysisk helse.

− Studiar me har gjort i HUNT undersøkinga, viser at kulturengasjement er ein helsefremjande ressurs og eit viktig førebyggjande tiltak, både individuelt og samfunnsmessig. Resultata understrekar behovet for å integrera kultur som del av folkehelsearbeidet og politikk, og å leggja til rette for brei deltaking i kulturaktivitetar på tvers av alder, kjønn og sosiale grupper, fortel Rangul.

Wenche Torrissen, professor ved Nasjonalt senter for kunst og kultur i opplæringa (Nord universitet), vil bruka døme frå teaterfeltet for å snakka om korleis kunst og kultur kan fremja helse.

– Kreativ wellbeing er ikkje berre ein personleg ressurs, men ein nøkkelkompetanse for å fremja eit blomstrande og berekraftig samfunn, seier Torrissen.

Ho understrekar kor viktig det er å integrera kreative tilnærmingar i alle aspekt av livet. Vidare er det viktig at kulturaktivitetar er tilgjengelege for alle i samfunnet.

Nettverksbygging, middag og kveldssamtale

Konferansens dagsprogram blir avrunda med festmiddag og kveldsarrangement på Scene5, der det mellom annet blir ein samtale mellom kunstnaren Lars Elling og Elisabeth Kjenslig Johansen.
Kvelden gir gode moglegheiter for mingling, kontakt med andre fagfolk og spennande diskusjonar.

Praktisk informasjon

• Dato: 23. oktober 2025
• Tid: Registrering frå kl. 08.30. Konferansestart kl. 09.30.
• Sted: Lillestrøm kultursenter, «Stjernesalen».
• Målgruppe: Konferansen rettar seg mot aktørar innan kultur og helse. Målgruppa er tilsette i stat og kommune, kunstnarar, kulturaktørar og frivillige organisasjonar.
• Billettprisar:
  Dagspass: kr 1200,- (inkl. inngang, morgon- og ettermiddagsservering, og varm lunsj).
  Heildagspass: 1800,- (inkl. inngang, morgon- og ettermiddagsservering, varm lunsj, treretters festmiddag og kveldssamtale).
• Kontakt: Arrangementskoordinator Malene Berthelsen Lindgren.
  Telefon: +47 457 27 165.
  E-post: MaleneBerthelsen.Lindgren@lillestrom.kommune.no
• >> Kjøp billettar
• >> Gå til program

Sikre deg plass no, og bli med i samtalen om kunstens rolle i liv og helse

Lillestrøm kommune er ansvarleg arrangør i samarbeid med Nasjonalt kompetansesenter for kultur, helse og omsorg.

Les også:

• Ny bok om kreativ wellbeing